గ్రంథాలయము

గ్రంథాలయములను గ్రంథ భాండాగారము అనికూడా అంటారు.

కొన్ని వ్యాఖ్యలు

సీ. అరువది నాల్గువిద్యలు నొక్కచో నేర్వఁ, దగు నిలయంబు గ్రంథాలయంబు

దరి లేని దుఃఖసాగరముల నీదంగఁ, ధరణితుల్యంబు గ్రంథాలయంబు బుద్ధిమదగ్రణుల్ పూర్వులొసంగిన, ధననిధానంబు గ్రంథాలయంబు అజ్ఞానతిమిర సంహారంబుగావించు, నర్క తేజంబు గ్రంథాలయంబు

గీ. యశమె కాయంబుగాఁగల ప్రాజ్ఞ సుకవి | బృందముల రూపములఁ బ్రదర్శించిజన

గరము సమ్ముదితాత్ములు గానెనర్చు | నట్టి సన్మందిరంబు గ్రంథాలయంబు.

---ముట్నూరి వేంకటసుబ్బారాయుడు

• గ్రంధాలయాలు ఊహకు ఆజ్యం పోసే శక్తిని నిల్వ చేస్తాయి. అవి ప్రపంచానికి కిటికీలను తెరుస్తాయి, అన్వేషించడానికి, సాధించడానికి మన జీవిత నాణ్యతను మెరుగుపరచడానికి దోహదం చేస్తాయి.

- సిడ్నీ షెల్డన్

మ. అతివాచావిభవంబుతో సభలయం దాటోపమేపార ధీ
యుతులై యెంత యుపన్యసించినను లేదొక్కింతయు లాభమూ
ర్జిత కార్యాచరణ ప్రవీణతయె వాసింగూర్చు జ్ఞానాప్తికై
ప్రతియూరన్నెలకొల్పు డాంధ్రులు సమగ్ర గ్రంథ భాండారముల్.

...పోచిరాజు సీతారామయ్య

తెరలి గుబుర్కొన్న తియ్యమామిడి గున్న యమరిన గ్రంథాలయమ్ము గాగ
గాలిచే నొఱసి చక్కఁగఁ జేరి వీడుచుఁ బరగు శాఖలు బీరువాలుగాఁగ
చెలువొందు కళజిందుచిగురాకు జొంపముల్ సమకూర్పఁబడు గ్రంథసమితి గాఁగ
అతిమనోహరలీల ననువొంది విడివడి కాలు పత్రములు పత్రములుగాఁగ
యువ మనోహరకలనినదోక్తిఁ గంఠమెత్తి 'కో' యని కూయుచు నెలమి సెందు
యువపికమ్ములు పాఠకప్రవరులుగ ధరాస్థలిని మించె నన కారురక్తి మీర

... పొన్నాడ కృష్ణమూర్తి, యువ, గ్రంథాలయ సర్వస్వము, సం.9 సంచిక 8(వికీసోర్సు)