వల్లకాడు

వల్లకాడు ను శ్మశానం, శ్మశాన వాటిక, కాడు అని కూడా అంటారు. చనిపోయిన మనిషికి ఇక్కడ దహన సంస్కారాలు జరుగుతాయి. ప్రతి ఊరికి ఒకటి లేక అంతకంటే ఎక్కువ శ్మశానాలు ఉంటాయి. చనిపోయిన వారికి గుర్తుగా కొందరు సమాధిని నిర్మిస్తారు. చనిపోయిన వారిని కాల్చేందుకు కట్టెలతో ఏర్పాటు చేసిన దానిని చితి అంటారు. చనిపోయిన వారిని పూడ్చేందుకు త్రోవ్విన గుంతను గోయి అంటారు. చనిపోయిన మనిషి యొక్క శరీరాన్ని శవం అంటారు. శవాన్ని శ్మశానాన్ని తీసుకు వెళ్ళేందుకు కర్రలతో ఏర్పాటు చేసిన చట్టాన్ని పాడె అంటారు.

శ్మశానంపై వ్యాఖ్యలు

• తగలేయటం, పూడ్చటం వల్లకాటిలో పద్ధతులు. మనుషులు తిరిగే ఊళ్ళోనే కాదు చివరకు పీనుగుల్ని పడేసే వల్లకాటిలో కూడా ఒక పద్ధతి లేదు.
• వల్లకాడంటే కాటికాపరి తిరిగే చోటు కాదు,నయవంచక స్వార్థపరులు సంచరించే నవ నాగరిక సమాజమే నిజమైన వల్లకాడు.

శ్మశానంపై కవితలు

కంపదాకా తొండ పరుగు
గాలిబోతే కట్టెవొరుగు
అన్ని పాటులు భంగపాటుకే
ఎల్ల బాటలు వల్లకాటికే

----అజ్ఞాత కవి

శ్మశానంపై సామెతలు

• ఊరు పొమ్మంటుంది కాడు రమ్మంటుంది.