శ్రీశ్రీ

శ్రీశ్రీ (జనవరి 2, 1910 — జూన్ 15, 1983), ప్రముఖ అభ్యుదయ తెలుగు కవి, సినిమా గీతరచయిత. ఇతని పూర్తి పేరు శ్రీరంగం శ్రీనివాస రావు.

శ్రీశ్రీ

శ్రీశ్రీ యొక్క ముఖ్య వ్యాఖ్యలు

చరిత్ర గురించి

• ఆ రాణి ప్రేమ పురాణం, ఆ ముట్టడి కైన ఖర్చులు, మతలబులు, కైఫీయతులు, ఇవి కాదోయ్‌ చరిత్ర సారం.
• ఏ దేశపు చరిత్ర చూచినా ఏమున్నది గర్వ కారణం? నరజాతి చరిత్ర సమస్తం పరపీడన పరాయణత్వం
• ప్రభువెక్కిన పల్లకి కాదోయ్‌, అది మోసిన బోయీ లెవ్వరు?
• తాజమహల్‌ నిర్మాణానికి రాళ్ళెత్తిన కూలీలెవ్వరు?

కవిత్వం గురించి

• కాదేదీ కవితకనర్హం
• ఆధునిక కవిత్వం అర్థం కాలేదంటే, ఆధునిక జీవితం అర్థం కాలేదన్న మాటే.
• కవిత్వమొక తీరని దాహం
• హీనంగా చూడకు దేన్నీ, కవితామయమోయ్ అన్నీ.

వ్యక్తులపై

• కొంతమంది యువకులు పుట్టుకతో వృధ్ధులు
• వ్యక్తికి బహువచనం శక్తి
• బానిసకొక, బానిసకొక, బానిసకొక బానిస (జలగం వెంగళరావుపై శ్రీశ్రీ విమర్శ)
• వేయిపడగలు, లక్ష పిడకలు, కాగితప్పడవలు, చాదస్తపు గొడవలు. (విశ్వనాథ సత్యనారాయణ యొక్క వేయిపడగలు రచనపై చేసిన వ్యాఖ్య)
• పడిపోయిన ప్రకాసురుడి పాత ప్రభుత గుడ్డిది, నిజానికది కాంగిరెద్దు నీలం సంజీవరెడ్డిది(టంగుటూరి ప్రకాశం పంతులు ప్రభుత్వంపై వ్యాఖ్య)

ఇతరాలు

• కటుకథకూ, పెట్టుబడికీ పుట్టిన విషపుత్రికలు (మీడియాపై చేసిన వ్యాఖ్య)
• పదండి ముందుకు, పదండి ముందుకు తోసుకుపోదాం పైపైకి.
• ప్రపంచమొక పద్మవ్యూహం, కవిత్వమొక తీరని దాహం
• శోధించి సాధించాలి అదియే ధీరగుణం.
• హింస తోనే సృష్టి పూస్తది; హింస తోనే మార్పు వస్తది
• మంటలచేత మాట్లాడించి, రక్తం చేత రాహాలాపన చేయిస్తాను.
• ఈ జన్మను సద్వినియోగం చేసుకోవడం చేతకాక లేని జన్మ గురించి ఆలోచించడం అజ్ఞానం.
• న్యాయం గెలుస్తుందన్నమాట నిజమేకాని గెలిచేదంతా న్యాయం కాదు.
• ముందు దగా, వెనుక దగా, కుడిఎడమల దగాదగా.

సినిమా పాటలు

• ఎవరో వస్తారని ఏదో చేస్తారని ఎదురు చూసి మోసపోకుమా నిజం మరచి నిదురపోకుమా - భూమి కోసం
• కలకానిది విలువైనది బ్రతుకు కన్నీటి ధారలలోనే బలి చేయకు - వెలుగునీడలు
• తెలుగువీర లేవరా...దీక్షబూని సాగరా...దేశమాత స్వేచ్ఛకోరి తిరుగుబాటు చేయరా - అల్లూరి సీతారామరాజు
• మనసున మనసై బ్రతుకున బ్రతుకై తోడొకరుండిన అదే బాగ్యము అదే స్వర్గము - డాక్టర్ చక్రవర్తి